مرتبك وحب الله لك

بسم الله الرحمن الرحيم والصلاة والسلام على رسول الله ثم اما بعد

1- انت بتشتغل فى شركة كبيرة كبيرة بمرتب كام فى الشهر اكبر مرتب كام كده 10 او 15 الف فى الشهر قول 30 الف وخلاص - اوعى تصدق - يبقى اليوم فى الشهر بكام بـ 1000 جنيه صح ؟؟؟ وده الحمد لله وتقول الشغل ده تمام ونفسك متغيرهوش

طـــب تعرف ربنا بيقدر وقتك ازاى ربنا بيحيب لك الثانيه الواحده من عمرك بــ 80 مليون جنيه هتقولى ازاى ؟؟؟
صلى على النبي -صلى الله عليه وسلم الذى يقول
*"من قال سبحان الله وبحمده غرست له نخلة فى الجنة"
*"ما من نخلة فى الحنة إلا وساقها من ذهب"
سبحان الله وبحمده تتقال فى ثانيه
النخلة ساقها تيجى 100 كيلو تقريبا الكيلو فى 1000 جرام الجرام ب 80 جنيه وده دهب الدنيا احسبها كده هتلاقى الثانيه ب 8000000 جنيه ....
مين بيقدرك ذى ربنا كده ؟؟؟؟

2- انت ربنا بيحبك ولا لا ؟
متعرفش بالله عليك ما تعرفش .......؟

لا معرفش والله ... محدش يقدر يعرف يا عم.... بس يعنى ده ربنا بيحبنا يا عم هو خلقنا علشان يكرهنا ؟؟؟!!؟؟

يا راجل خليك كويس متعرفش ازاى .... و بعدين هو ربنا بيحب كل الخلق حتى الكافر ؟؟؟ طب قوللى دليل واحد انه بيحبك؟؟؟

ياااااه كتير قوى .... دانا مفيش مرة دعيت او طلبت منه طلب الا و حصل لى الحمد لله

يعنى يا سيدى كل ال بيطلب من ربنا ويعطيه يبقى بيحبه ؟؟؟؟ طب ما هو ابليس عاصى مطرود طلب من ربه الخلود وحصل عليه .. ولا ايه ؟؟

آآآآآآآآآآآه ! تصدق حيرتنى ؟؟ طب قوللى اعرف ازاى ؟؟

هقولك بس ادفع ....... .... دفعت ؟؟ مصدقك خلاص ....
بص يا سيدى وركز
1- جيب ورقتين قصاد بعض
2- اكتب فى الاولى ال ربنا ممكن يحبك بسببه و مممكن يقربك منه ويذكرك بيه
3- التانيه بقى ال انت عارفه وربنا عارفه وخليك صادق ومتكذبش على نفسك
4- قارن بقى بين دى ودى وانت تعرف
5- خليك واقعى وصريح ومتجملش نفسك والاخطاء حاول تتلافها وربنا يكرمك
ملحوظة * الفكره للشيخ محمد حسين يعقوب من سلسه اسرار المحبين فى رمضان