شهر رمضان المبارك

السلام عليكم ورحمة الله وبركاته
كل عام وانت بخير ورمضان مبارك عليكم كلكم يا رب

انتهينا خلاص . رمضان دخل علينا ....... خلص شعبان .........انت بقى ناوى على ايه؟
من سنة تايهيين وتعبانين من الدنيا ومش قادرين فى مننا ال صام كتير من اول رجب وفى ال صام شوية وال مقدرش يكمل يومين
وممكن ناس يأست من الاستعداد لرمضان.......... وتقول رمضان ضاع منى قبل ما يجى ....حصل ولا ؟؟
طيب اصبر على وانا اقولك فكرة ممتازة تشحذ الهمة وتدفع الى العمل...
اسم الفكرة صحصح معايا
فانت صحصح معايا وركز معايا بالله عليك عشان الفكرة دى لو دخلت فى دماغك هتعيش باذن الله احسن رمضان فى حياتك
الفكرة هى ......... ادفع الاول صلى على النبي -صلى الله عليه وسلم - يعنى....
بص يا سيدى
مثلا الشيخ محمد حسان او مثلا الشيخ محمد حسين يعقوب او الشيخ ابو اسحاق الحوينى او مثلا الشيخ محمود المصرى ....ربنا يكرمهم جميعا
افرض انه اتعزم عندك فى رمضان ... مش على الفطار لالالا .... اقامة بعنى يفطر ويسحر وينام ويعيش معاك
الشقة ضيقه ؟؟؟ يا عم معلش حاول بس .....
طيب بلاش واحد من مشايخنا الكبار دول ........ خلى النبي - انت بطلت صلاة عليه - هو ال جاى وهيقعد عندك
عاوزك تتخيل وتتصور الامر ده............ رسول الله حبيب قلبك هيقعد معاك..
هتقوللى بس انا استلف منين فلوس عشان اكرم النبي - صلى الله عليه وسلم - ... ياه انت عارف ان النبي -صلى عليه - مش بيحب التكلف ولا التبذير
ولا الاكل الكتير .. ولا بيجحب الاسراف ......الموضوع مش اكل ... الرسول كان بيفطر على تمر او شربة لبن
الموضوع بقى
لو النبي دخل الشقه ..فى صور انت تتكسف انها موجوده صورة الفرح بتاعتك انت ومراتك او خطيبتك او.... او.... لازم ننضف الشقه عشان النبي بقي
و
ان النبي عليه الصلاة و السلام هيسمع المغرب هيقوم يصلى ولا هيقعد معاك يفطر ويسيب الصلاة ...طيب وانت هتسيب النبي يروح يصلى لوحده ولا هتنزل معاه
و
رجعت من المغرب هتصوا التراويح ..فين ؟؟ فى مسجد بيقلب الصلاة خفيف خفيف وينقر .. والمسجد مليان بالضجة والاطفال ... ولا مسجد هادى وفيه روحنيات كده
هتقوللى فى مصر مساجد كده ... وانا اقولك والله فيه مساجد بتصى الركعة بايه وبتخلص فى نص ساعه ... وفى مساجد تانية بتصلى التراويح بجزء كامل
الامام بيطيل الركوع والسجود وفى القنوت مش بياتى بمحدثات وبدع ..........
و
بعد التراويح رجعتوا بقى يا ترى هتقعد النبي - يارب العفو والسماح - امام اى تمثلية ولا فيلم ولا فوازير ؟؟ ولا هتفتح التليفزيون على ايه والنبي جنبك
هتقوللى مش ممكن افتح التليفزيون والنبي جنبي ... انا هساله فى الدين ده النبي دى فرصه
طيب اقولك انا بقى طيب ما تجيب كتب السنة واقرا واتعلم منها
و
بعد كده تفتكر النبي -صلى عليه - هيسهر لحد الساعه كام ولا هينام بدرى عشان يلحق يصحى قبل الفجر بمده كافية يصلى فيها ويسحر ؟؟
تفتكر يبقى النبى عندك وانت تسيب الفجر ؟؟ تقدر تعمل كده ؟؟؟ ولا هتنزل قبل الفجر بشويه كمان ؟؟
و
طيب الصلاة خلصت .. هتسيب النبى قاعد فى الممسجد لوقت الشروق و تقول له انا سابقك ابقى حصلنى ؟!!؟ ولا هتنتظر معاه للشروق ؟؟
و
يا ترى وانت رايح الشغل الصبح هتتكسف تقول الرسول -انت بطلت صلاه عليه - على عملك ايه ؟؟؟ عشان هو حرام ؟؟ ويا ترى ههتوكل النبي من مال حرام؟!!؟
المــهــــم
يا ريت نتصور كده لمدة 30 يوم لرمضان ...اعتقد بكده مكن تترفع همتك ولا انت شايف ايه؟؟
هتقوللى : طب ده حلم ... ادينى الحقيقة. الحقيقة اننا همتى بتبقى عالية وعاوز اشتغل بس مش عارف اعمل ايه ؟
هقولك : ادفع الاول ... خليك ورا الناس الطيبين لحد باب الجنة.. مش بيقولو كده برضه
ال هتعمله انك تقرا الورقة دى و تعمل بيها ويا سلام عليك لو تطبعها وتوزعها تبقى عسل والله
هناك نسخة للطباعة للورقة دى للتوزيع الخيرى وهى بصراحة تنسيقها رائع وجميلة جدا بثلاث الوان جاهزة للتحميل ب 9 لغات على الاقل للتحميل
1- النسخة الابيض والاسود ( للطباعة
http://download.islamup.com/cd/youm-syam/arabic-black.rar
2- نسخة لونها ازرق جميلة جدا
http://download.islamup.com/cd/youm-syam/blue-arabic.rar
3- نسخة ذات التصميم الاحمر روعة
http://download.islamup.com/cd/youm-syam/red-arabic.rar
4- نسخة للاطلاع فقط
http://forums.way2allah.com/showpost.php?p=382494&postcount=7
5- نسخة اصلية للموضوع
http://forums.way2allah.com/showthread.php?t=47927

من خطبة الشيخ محمد حسين يعقوب من برنامج فضفضة حلقة المشاريع العشر لرمضان للتحميل
1- رابط فيديو
http://ia311325.us.archive.org/0/items/nas_31/fdfa-yaqop-14-8-2009.rmvb
2- رابط صوتى
http://ia311325.us.archive.org/0/items/nas_31/fdfa-yaqop-14-8-2009.mp3

وكل عام وانت بخير وجزاكم الله خيرا
والسلام عليكم ورحمة الله وبركاته

تماااااااااااااااااااااااام يا مان